Partia Demokratike deklaroi se raporti i Transparency International tregoi se nivelin e lartë të korrupsionit në Shqipëri.
Në një deklaratë për mediat, Jorida Tabaku tha se raporti ka vënë në dukje së korrupsioni qeveritar është faktori kryesor për rrënimin e ekonomisë në vend.
“Organizata Transparency International ka ngritur alarmin se gjatë qeverisjes së Edi Ramës në këto 7 vjet është ngritur një sistem korruptiv që konsiderohet si kapje e shtetit”, u shpreh Jorida Tabaku.
Ajo shtoi se korrupsioni është rritur si vullnet politik i Ramës, ka shkatërruar ekonominë dhe “po na mban peng nga oligarkët e larg Bashkimit Europian”.
Tabaku tha se raporti nxjerr në pah se faktorët kryesor për kapjen e shtetit mosndëshkimi për korrupsionin e nivelit të lartë dhe ligjet e bëra sipas dëshirës.
“Ligjet preferenciale si ai i Koorporatës së Investimeve, ligji special për teatrin, ligjet që ulin taksa për sektorë si minierat, ndërkohë rrisin taksat për 97% të bizneseve janë qartazi shembuj të kapjes së shtetit”, tha ajo.
Tabaku tha se për 7 vjet qeveria ka rrënuar ekonominë e vendit, duke theksuar se vendi ka nevojë për një qeveri të përgjegjshme.
