Sot është dita e gjashtë që po zhvillohen protesta për drejtësi pasi u ekzekutua 25-vjecari Klodian Rasha nga një efektiv policie. Në qendër të Tiranës janë mbledhur dhjetëra protestues që po marshojnë drejt kryeministrisë ndërsa ende nuk ka tensione.
“Halabakë jeni vetë, unë dal në rrugë me dinjitet”, është një nga pankartat që vihet re në dorën e një protestueseje.
“Drejtësi për Klodianin” është motoja që i ka shoqëruar protestat gjatë gjithë këtyre ditëve, ndërsa turmat janë shpërndarë nga ndërhyrja e policisë me gaz lotsjellës apo makina ujëhedhëse.
Pranë Ministrisë së Brendshme dhe kryeministrisë janë mobilizuar forca të shumta të policisë, mes të cilëve ka edhe efektivë të forcave “Shqiponja” dhe FNSH.
