Rey Manaj ishte protagonist në derbin e Katalonjës, duke shënuar golin e fitores. Sulmuesi lushnjar ishte në fushë për Barcelonën B dhe ndëshkoi Espanyol B në fillim të pjesës së dytë.
Goli i Manajt kishte vlerën e 3 pikëve dhe është i dyti personal për të këtë sezon në ligën e tretë spanjolle. Veç rëndësisë që kishte si gol, ai ishte edhe mjaft i bukur.
Sulmuesi i kombëtares shqiptare vrapoi për rreth 30 metra, duke shmangur dy lojtarë të Espanyol B dhe më pas përballë portierit gjuajti saktë dhe e çoi topin në rrjetë.
https://www.youtube.com/watch?v=VI3zGuvOczk
