Katër persona janë arrestuar dhe 46 të tjerë janë proceduar penalisht në gjendje të lirë, lidhur me protestën e zhvilluar një ditë më parë në Tiranë.
Akuzat që rëndojnë ndaj tyre janë për kryerjen e veprave penale “Organizimi dhe pjesëmarrja ne grumbullime e manifestime të paligjshme”, “Kundërshtimi i punonjësit të policisë së rendit publik”, “Pengimi i qarkullimit të mjeteve të transportit”, “Prishja e qetësisë publike”, “Shkatërrimi i pronës” , ”Mosbindja ndaj urdhrit të punonjësit të policisë së rendit publik” dhe ‘’Mbajtja dhe përdorimi i lëndëve plasëse dhe piroteknike’’.
Ndërkohë, policia njoftoi se “vijon puna për identifikimin dhe kapjen e personave të tjerë të përfshirë në veprime të dhunshme ndaj Policisë, pronës shtetërore dhe asaj private”.
Protestat që dje shënuan ditën e pestë nisën pas vrasjes së 25-vjeçarit Klodian Rasha nga një efektiv policie.
