Janë mbyllur 2 takimet e orës 13:45 të vlefshme për javën e 8-të të Kategorisë Superiore. Tirana ka marrë një fitore bindëse teksa kanë mundur 3-0 në shtëpi Apoloninë.
Një ndeshje e dominuar krejtësisht nga bardheblutë edhe pse në pjesën e parë nuk arritën të shënonin. Golat e fitores u shënuan nga Ismaljgeci 50’, Batha 74’ dhe Ernest Muçi 86’.
Me këtë sukses, kampionët në fuqi ngjiten përkohësisht në vendin e 4-t.
Sfida tjetër mes Bylisit dhe Kastriotit u mbyll 2-1 në favor të vendasve. Për ekipin ballshiot shënuan Ndreca 7’ dhe Mehmetllari 18’ ndërsa goli I vetëm për krutanët u realizua nga Devid në minutën e 42-të.
Kjo ishte fitorja e parë e Bylisit në kampionat duke u ngjitur në kuotën e 7 pikëve. Nga ana tjetër, Kastrioti merr humbjen e dytë radhazi pas asaj ndaj Vllaznisë 0-3.
