Përshkallëzimi i protestës së djeshme në Shkodër për vrasjen e Klodian Rashës, ka sjellë edhe shoqërimet e procedimet në polici.
Kryetarja e Bashkisë së Shkodrës, Voltana Ademi është proceduar penalisht pas protestës.
Ndërkohë sipas policisë, janë proceduar penalisht 8 persona për organizim të tubimit të paligjshëm, 17 minoren për shkatërrim prone, 2 zjarrfikës për shpërdorim detyre dhe 21 shtetas të tjerë, për pjesëmarrje në tubime të paligjshme.
Lidhur me procedimin penal ka reaguar Kryebashkiakja Voltana Ademi, e cila e konsideron një hakmarrje politike. Ademi shprehet se PD as e ka udhëhequr dhe as e ka organizuar tubimin e djeshëm.
Sipas Kryebashkiakes, Policia nuk veproi në kohë për të parandaluar precipitimin e situatës.
“I kam njoftuar drejtuesit e policisë, kam thirrje telefonike, por nuk reaguan”, u shpreh Ademi.
