Kreu i PD, Lulzim Basha, nëpërmjet një statusi në rrjete sociale, shprehet se ka biseduar sot me përfaqësuesit ndërkombëtarë lidhur me situatën në vendin tonë.
Kreu i PD thotë se dënon gjuhën e urrejtjes të përdorur nga kryeministri Rama, si dhe brutalitetin dhe dhunën e policisë ndaj minorenëve.
Më tej, lideri i opozitës përsërit thirrjen për të ndaluar brutalitetin e policisë dhe për të garantuar të drejtën e protestuesve për të protestuar të lirë dhe paqësisht.
Postimi i plotë i Bashës:
Sot kam patur disa biseda me përfaqësues të komunitetit ndërkombëtar lidhur me zhvillimet e fundit.
Ndava thirrjen për një hetim transparent dhe drejtësi për vrasjen e Klodjan Rashës, si dhe zbardhjen e përpjekjeve për manipulimin e ngjarjes dhe vënien e përgjegjësve para ligjit.
Dënova gjuhën e urrejtjes të përdorur nga kryeministri, si dhe brutalitetin dhe dhunën e policisë ndaj minorenëve dhe gazetarëve. Përsëris thirrjen për të ndalur brutalitetin e policisë dhe për të garantuar të drejtën e protestuesve për të protestuar të lirë dhe paqësisht.
Me 25 Prill ne do ta largojmë këtë qeveri dhe do të sjellim shpresë dhe ndryshim për Shqipërinë.
