Nuk ndalen protestat kundër HEC-it që do të ndërtojë qeveria “Rama” në Poçem.
Pas protestës së djeshme, banorët e Kutes në Mallakastër, kanë bllokuar ditën e sotme rrugën nacionale në shenjë kundërshtimi ndaj ndërtimit të HEC-it në Poçem.
Sipas tyre tokat do të përmbyten, pemët e ullinjve do të shkatërrohen dhe banorët do ta kenë të pamundur për të jetuar në këto zona. Mbi të gjitha protesta e sotme kishte kryefjalë mbrojtjen e lumit të egër Vjosë.
Banorët bllokuan rrugën në dy akset për më shumë se 30 minuta, ndërkohë që edhe qytetare të tjerë u solidarizuan, duke zbritur nga mjetet për t’ju bashkuar protestës.
