Një grup protestuesish kanë marshuar edhe në qytetin e Durrësit duke shprehur revoltën e tyre ndaj vrasjes së 25 vjeçarit, Klodian Rasha, nga efektivi i policisë.
Protestues, kryesisht të mbledhur nëpërmjet rrjeteve sociale kanë dalë para godinës së Prokurorisë dhe Policisë në Durrës, duke bërë apel për Drejtësi.
Me thirrjet “Unë jam Klodiani”, qytetarët kanë marshuar para Drejtorisë së Policisë. Protestuesit janë shprehur se në një rast, tragjik si ky duhet të reagime dhe të vendoset drejtësi.
Gjithashtu ata kërkuan dorëheqjen e Sandër Lleshaj dhe Ardi Veliut.
Protesta në Durrës u zhvillua pothuajse në të njëjtën kohë me protestat e mbajtura në Tiranëku qindra qytetarë marshuan para Ministrisë së Brendshme për të vijuar më pas të Kryeministria, duke kërkuar drejtësi për vrasjen e 25-vjeçarit Klodian Rasha nga efektivi i policisë.
“Poshtë Diktatura”, “Drejtësi për Klodian” ishin thirrjen e protestuesve në marshimin e tyre.
