Epidemiologu i njohur Ilir Alimehmeti, ndërsa e konsideron si një lajm të mirë nisjen e testeve të shpejta për zbulimin e personave të prekur nga Covid-19, thekson se suksesi do të varet nga skema intensive apo jo e trajtimit të pacientëve.
Në një postim në rrjetet sociale, Alimehmeti shkruan se modeli i ndjekur nga Sllovakia me përdorimin e testeve të shpejta jo vetëm uli numrin e pacientëve që kërkonin trajtim spitalor, por çoi në rezultate të uljes së rasteve më shumë se sa mund të çonte një lock down i përgjithshëm.
Në këtë kuadër, referuar edhe modelit të ndekur nga Sllovakia, Alimehmeti thekson se mund të ndiqet në Shqipëri e njëjta praktikë, kur kemi një transmetim komunitar të virusit.
“Nuk nevojitet vetëm prezenca e testeve të shpejta në terren, por edhe përdorimi në intensitetin dhe kohën e duhur”, shkruan Alimehmeti.
Nga Ilir Alimehmeti
“Mund të mos e dish kurrë çfarë rezultatesh do të japin veprimet e tua. Por nëse nuk bën asgjë, nuk do të ketë asnjë rezultat.”
Cit.: Mahatma Gandhi
✅ Miqtë e mi, testet e shpejta të antigjeneve funksionojnë!
Asnjë dyshim mbi këtë!
⛔ Por KUJDES: po ashtu si mjekimi për sëmundjen nuk nevojitet vetëm molekula e duhur por edhe doza e duhur në momentin e duhur.
👉 Po i njëjti koncept vlen nëse e përkufizojmë Shqipërinë si pacienti dhe prevalencën e të infektuarve si sëmundja.
👉 Pra, nuk nevojitet vetëm prezenca e testeve të shpejta në terren, por edhe përdorimi në intensitetin dhe kohën e duhur.
🙏 Lajmi i mirë është se testet e shpejta për zbulimin antigjenik të SARS-CoV-2 sot kanë filluar të përdoren në Shqipëri dhe efektet pozitive të tyre janë përmendur në vazhdimësi.
❓Por sa efekt do të kenë?
❗ Kjo varet nga doza dhe nga skema intensive apo jo e trajtimit të pacientit “Shqipëri”!
✅ Duke qenë se mjekësia bazohet mbi evidenca, le të shohim evidencën më të fortë të mundshme në këtë drejtim:
🇸🇰 EKSPERIMENTIN KOMBËTAR TË SLLOVAKISË.
🇸🇰 Bazuar mbi publikimin e Ministrisë së Shëndetësisë të Sllovakisë rreth dy të tretat e popullatës totale u testuan brenda pak ditësh me po të njëjtat teste që kanë hyrë në Shqipëri.
📝 Në detaj:
👉 23-25 Tetor: testimi pilot në katër zonat më të goditura
(65% e popullatës u testua);
👉 31 Tetor – 01 Nëntor: raundi i parë i testimeve masive kombëtare
(66% e popullatës së 79 konteve u testua);
👉 07-08 Nëntor: raundi i dytë i testimeve masive kombëtare
(62% e popullatës së 45 konteve u testua).
📝 Në total u përdorën 5.811.132 teste:
👉 5.276.832 teste të shpejta në popullatë në tri fazat, dhe
👉 534.300 teste të shpejta në personeli mjekësor, ushtarak dhe qeveritar.
❗🙏❗REZULTATET EPIDEMIOLOGJIKE JANË MBRESËLËNËSE❗🙏❗
✅ Ulje 56% e prevalencës në katër zonat e fazës pilot.
✅ Ulje 60% e prevalencës pas javës së parë.
✅ Ulje 82% e prevalencës pas javës së dytë.
👆 Jo vetëm kaq!
✅ Pak javë pas testimit masiv, numri i shtretërve të intensivit filloi të bjerë, ndërkohë që deri në atë moment ishte në rritje eksponenciale. (Figura S6)
👆 Nuk mbaron me kaq!
✅ Testimi masiv rezultoi ta ulte kurbën epidemiologjike shumë më shumë se sa lockdown i të gjithë shtetit pa testime. (Figura 3A)
❗ Nuk donte shumë mend të imagjinohej që në fillim, por këto të dhëna shuajnë çdo polemikë.
👉 Vetë autoritetet shëndetësore sllovake pranojnë që kjo ulje nuk ishte rrjedhojë e masave por pikërisht e testimit masiv të ndjekur nga karantinimi i të gjithë personave që rezultuan pozitivë.
📝 Përqindja e testeve pozitive ishte (Figura S1):
👉 3.91% në katër zonat e fazës pilot;
👉 1.01% në raundin e parë;
👉 0.62% në raundin e dytë.
📝 Specificiteti i testeve të shpejta në krahasim me RT-PCR ishte:
👉 99.85%, praktikisht pothuajse perfekt.
📝 Në përfundimin mund të thuhet se:
✅ EFEKTI I TESTIMIT MASIV ËSHTË SHUMË I LARTË.
✅ NUK NEVOJITET KONFIRMIMI I POZITIVITETIT ME RT-PCR.
✅ NË KUSHTET SHQIPTARE ME TRANSMETIM KOMUNITAR, JUSTIFIKOHET E NJËJTA QASJE TESTIMI MASIV.
Dr. Shk. Ilir Alimehmeti
Epidemiolog Klinik
Fakulteti i Mjekësisë, UMT
