Ish-Kryeministri Sali Berisha, duke iu referuar raportit më të fundit të Parlamentit Europian, mbi lajmet e rreme, shpreht se Edi Rama ka marrë çmimin e zi të shpifjes. Berisha shkruan se pas tij vjen Ben Blushi me teleblushin dhe më pas “i pavaruri” Ymer Çorapja, shpifës kongenital.
“Në raportin e publikuar së fundi nga Parlamenti Europian për lajme të rreme dhe dezinformim në Ballkanin perëndimor, në seksionin për Shqipërinë, në krye të listës, vendoset për lajm të rremë “fake news” dhe dizinformim, renditet Edvin Hajduti me skandalin e tij ndërkombëtar, me të cilin ai shiti si spanjolle, Policinë algjeriane”, shkruan Berisha.
Nga Sali Berisha
Në raportin e publikuar së fundi nga Parlamenti Europian për lajme të rreme dhe dezinformim në Ballkanin perëndimor, në seksionin për Shqipërinë, në krye të listës, vendoset për lajm të rremë “fake news” dhe dizinformim, renditet Edvin Hajduti me skandalin e tij ndërkombëtar, me të cilin ai shiti si spanjolle, Policinë algjeriane.
I dyti si zëdhënës i lajmeve të rreme dhe dezinformimit të përditshëm renditet Arben Malavita me teleblushin e tij, që nga mëngjesi në darkë prodhon vetëm lajme të rreme dhe dezinformime për llogari të Mafies narkoqeveritare dhe bandave shtetërore të drogës dhe krimit.
Fatkeqësisht, ne raport shkruhet se teleblushi është i afërt me opozitën, por kjo është thjesht një “fake news”, të cilin autorët e raportit me siguri do ta korrigjojnë sapo të mësojnë se teleblushi është goja e vet Edvin Rrencit.
I treti renditet “i pavaruri” Ymer Çorapja, shpifës kongenital.
Përshëndes këtë raport me të cilin vihen pikat në i, mbi shpifësit në Shqipëri. Këtu më poshtë keni linkun e raportit.
Mapping Fake News and Disinformation in the Western Balkans and Identifying Ways to Effectively Counter Them
