Trajneri Shpëtim Duro, nuk ka humbur asnjë derbi, gjatë kohës që ka drejtuar Partizanin. Nëpërmjet një lidhje live me “Skype” për emisionin “Sport News”, të moderatores Enxhi Biba, Duro ka analizuar derbin, i cili do të zhvillohet ditën e premte në “Air Albania”, teksa sheh Partizanin favoritë, duke u nisur nga forma që ekipi i Dajës po kalon së fundmi.
Sipas teknikut të suksesshëm, rezultati në derbi ka ndikim goxha të madh në ecurinë e mëtejshme të skuadrave.
“Partizani-Tirana është një ndeshje që historikisht ka qenë të vëmendjes që para viteve 90 kur kam qenë futbollist dhe mbas viteve 90 si trajner.
Favoriti i Derbit– Partizani është më mirë, edhe për sa i përket klasifikimit dhe skuadrës. Partizani është ajo skuadër që ka qenë sezonin e kaluar. Tirana ka shumë ndryshime dhe kjo ka ndikimet e veta. Gjithsesi në fushë harrohet gjithçka. E shikoj këtë derbi të ngjashëm me situatën e vjetshme. Fitorja e Tiranës 2-1 kthehu atë ecuri të Tiranës, ndërsa te Partizani pas asaj humbjeje filluan problemet.
Pathyeshmëria në derbi e Partizanit zgjati më shumë se 6 vite. Ky derb është shumë i rëndësishëm për shumë elementë dhe faktorë.
E kam thënë gjithmonë, Partizani ka qenë një nga skuadrat më të kushtueshme sezonin e kaluar. Ka mangësi në mbrojtje, por ka futbollistë kampion. Partizani e ka skuadrën më të mirë në raport me Tiranën. Për këtë arsye e kam thënë që Partizani do të jetë skuadër pretendente për të fituar titullin. Steriotipi në lojë ka të bëjë shumë.
Momenti i vështirë i Tiranës- Ndryshimi i trajnerit është “thikë me 2 presa”. Eliminimi në Kupë ishte goditje e madhe. Edhe po të vazhdonte punën Egbo, do ta kishte të vështirë, ashtu siç ka vështirësi Dede. Ka shumë ndryshime dhe dëmtime. Derbi do të ketë ndikimet e veta në ecurinë e Tiranës.
