Shqipëria nis të shtunën aventurën në Euro 2024 , teksa në ndeshjen e parë do sfidojë Italinë, e më pas do të masë forcat me kombëtare si Kroacia dhe Spanja.
Trajneri i mirënjohur Shpëtim Duro në një intervistë për News 24, foli për elementë specifikë të kuqezinjve dhe për mundësitë tona në Gjermani.
Duro vuri në dukje se pavarësisht formës jo fort të mirë të treguar nga Italia në ndeshjet miqësore, ajo është një skuadër që tjetërsohet në sfida zyrtare.
Për sa i përket Shqipërisë, tekniku 64-vjeçar tha se në përbërje kemi lojtarë që e njohin mentalitetin italian, si Ramadani, Bajrami, Asllani apo edhe të tjerë.
Miqësoret e Shqipërisë – Ndeshjet miqësore janë miqësore. Normale, edhe rezultati është i rëndësishëm, edhe sa i përket aspekt aspektit psikologjik. Dihet që kanë vlerë për para-përgatitjet për Europianin, përtej nivelit të rivalit.
Më ka tërhequr personaliteti dhe serioziteti i skuadrës. Më pëlqeu ritmi i lojës në të dy ndeshjet. Patjetër, u shoqërua me rezultate të mira. Kemi ekip në formë, kemi alternativa të shumta.Të gjitha pozicionohet në skuadër janë të dubluara, që nga porta deri në sulm.
Azerbajxhani na vuri në vështirësi, duhet të shqetësohemi? Patjetër, çdo ndeshje ka karakteristikat e veta. Ndaj Lihtenshtejnit ishte dominim total, sepse edhe kundërshtari ishte i tillë.
Azerbajxhani është ekip i nivelit më të lartë, brenda lojës pati anë pozitive. Pjesa e parë ishte perfekte sa i takon interpretimit të lojës, ku nuk i lejuam kundërshtarit hapësira. Kjo është ideja, të luajmë kështu dhe të shfrytëzojmë mundësitë që na jepen. Negative ishte pjesa e dytë, ekipi u tërhoq shumë dhe i la terren rivalit, që normalisht në sulmoi. Çelësi i këtyre ndeshjeve ka qenë Bajrami, i cili lëviz shumë dhe krijon situata.
Kërcënimi që paraqet Italia– Italia ka cilësi në të gjitha repartet, ne i ndjekim çdo javë në kampionatin italian. Një lajm pozitiv është dëmtimi i Barellas, është një lojtar si Bajrami. Italia tjetërsohet në takime zyrtare, dihet që forcohet. Stafi jonë e ka analizuar mirë Italinë, duhet të kemi kujdes nga krahët, pasi janë Di Marco dhe Di Lorenzo. Shanset ndaj Italisë? Kam besim, duke iu referuar skuadrës tonë.
Formacioni ndaj Italisë- Ne duhet të luajmë ashtu si luajtëm në pjesën e parë ndaj Azerbajxhanit. Disa situata që ndodhën me Azerbajxhanin, nuk duhet të përsëriten, pasi Italia është një ekip me cilësi. Unë kam besim sepse kontingjenti i grupit tonë është i mirë. Ne kemi mundësi zgjedhjeje, mund të bëjmë ndryshime gjatë ndeshjes.
Ne kemi lojtarë me cilësi dhe vlera të ndryshme. Kemi lojtarë si Broja që bëjnë ndryshimin në momente të veçanta. Veprimet e Asanit gjithmonë përbëjnë rrezik. Asllani dhe Bajrami janë të nivelit të lartë. Duhet të shfrytëzojmë aftësitë individuale të sulmuesve tanë.
Hysaj apo Balliu, kush është më i avantazhuar? Kam mendimin se mund të luajë Hysaj, përdërisa luajmë ndaj Italisë.
Partneri ideal i Gjimshitit, Ajetin apo Ismajlin? Jam befasuar me Ajetin, ka hyrë bindshëm në lojë me ekipin kombëtare. Duke iu referuar qëndrës, Ismajli është një nga më të mirët sa i takon rikuperimeve.
Mitaj, Asllani, Ramadani dhe Bajrami duket të sigurt, nga një koment të shkurtër, ofrojnë garanci, si i pe në këto miqësore, e nisim nga Bajrami, gol dhe assist…
Meritë e Sylvinhos. Disa lojtarë para një viti nuk kanë patur besimin e duhur, por tani kanë ndryshuar gjërat. Ramadanit i ka dhënë çelësat e mesfushës. Kemi shumë alternativa në mesfushë, Ramadani, Bajrami e Asllani e njohin mirë mentalitetin italian.
Një dilemë e madhe është Jasir Asani, a do të jetë në maksimum në këto sfida?
Asani u dallua në eliminatore, sërish u shfaq protagonist. I vetmi që nuk është i dubluar në krahët e tij është Asani.
Balotazh në krahun e majtë të sulmit, Arbër Hoxha apo Seferi?
Të dy janë lojtarë të mirë. Seferi punon në krah, por Arbër Hoxha është i jashtëzakonshëm me depërtimet. Po bëj një krahasim, Arbër Hoxha më duket si Shyqyri Ballgjini i Dinamos.
Broja duket i pa prekshëm në sulm, si e pe në këto dy teste, a mundet të bëjë diferencën në Evropian?
Broja unik, përpos problemeve që ka patur, është i rëndësishëm. Mendoj se ai do të shfrytëzohet mirë nga Sylvinho për ndeshjen ndaj Italisë. Ai mund të përfitojë nga hapësirat që i jepen.
Më bëri përshtyje fakti që nuk aktivizoi asnjë minutë Mirlind Daku, u aktivizua gjithnjë Manaj si zëvendësues i Brojës, a tregon kjo hirarkinë e qëndrës së sulmit?
E shpjegoi edhe trajneri, kishte qëllim për ta aktivizuar por ndryshoi situata e lojës (Daku). Manaj është pak a shumë si Broja, në mënyrën sesi luajnë në kundërsulm. Daku duhet të shfrytëzohet kur kemi të bëjmë me topa të gjatë.
Lista e Sylvinhos, çfarë do kishe bërë ndryshe nëse do ishit ju trajneri i Shqipërisë? Unë kam një simpati të veçantë për mënyrën sesi luan Muçi. As ndeshjen e parë nuk u fut. Muçi mund të jetë alternativa e parë e të gjithë sulmit. Sa i takon listës, nuk ia vlen të kthehemi. Jnaë gjëra që Sylvinho i ka menduar mirë, do marri përgjegjësitë. Duhet ta lejmë të qetë që të bëjë zgjedhjet e duhura në këto 3 ndeshje që i presim me optimizëm.
