Gjykata e Posaçme kundër Korrupsionit dhe Krimit të Organizuar ka ndryshuar masën e sigurisë ndaj Arben Carës. Cara, bashkëshorti i ish-gjyqtarës së Gjykatës së Apelit të Korçës Mimoza Margjeka, do të qëndrojë nën masën “arrest shtëpie”.
Më parë, ndaj tij ishte vendosur masa “arrest me burg”.
Pak ditë më parë, gjykata zburi masën nga “arrest shtëpuie” në “detyrim paraqitje” edhe për Margjekën.
Sipas prokurorisë, Cara akuzohet se morri një shumë prej 6 mijë euro, duke ia dhënë bashkëshortes së tij, për të ndryshuar masën e sigurisë për një të arrestuar për trafik klandestinësh.
Gjyqtarja Margjeka ka mbajtur gjithnjë qëndrim mohues ndaj akuzave.
