Ministrja e Shëndetësisë, Ogerta Manastirliu, ka reaguar sërish për situatën e koronavirusit në vend.
Manastirliu ka publikuar në videomesazh në rrjetin social nëpërmjet të cilit bën një apel ndërgjegjësues për qytetarët që të tregohen të kujdesshëm dhe respektojnë rregullat për parandalimin e përhapjes së COVID-19.
“Është kuptueshme që të gjithë duam të vazhdojmë jetën normalisht, pa virus nëpër këmbë. Por sot gjithsecili kemi një përgjegjësi.
Ti, unë, ne të gjithë kemi shumë në dorë për ta mbajtur larg koronavirusin, për të ruajtur prindërit, gjyshërit dhe veten. Të mbajmë maskën, të ruajmë distancë, të zbatojmë rregullat e higjienës. Nuk janë klishe, janë armët që përdor sot e gjithë bota për të dalë të fituar përballë kësaj pandemie.
Të gjithë bashkë mund t’ja dalim për t’ju rikthyer normalitetit më të fortë se më parë dhje të jemi krenarë për veprimet që shpëtuan, qoftë edhe një jetë”, shkruhet në videomesazhin e publikuar.
