Policia gjermane arrestoi shqiptarë dhe italianë, të dzshuar si pjesë e një grupi kriminal, që vepronte në qytetin e Zarbrykenit.
Bild raporton se policia sekuestroi 4 kg kokainë me vlerë tregu afro 480 mijë euro, ndërsa mes të arrestuarve është një shqiptar 39 vjeç dhe një italian 52-vjeçar, që dyshohet se drejtonin grupin kriminal.
Policia sekuestroi 22 mijë euro, 3 ora të shtrenjta, 8 celularë, ndërkohë që të arrestuarit po hetohen edhe për shkelje të ligjit mbi mbajtjen e armëve.
Policia gjermane prej muajsh po hetonte veprimtarinë e grupit kriminal, i cili akuzohet se trafikonte kokainë dhe hashash në rajonin e Zarlandit.
Raportohet se shqiptari jetonte në Gjermani në mënyrë të paligjshme.
