Gazetari Bledian Koka ka reaguar ndaj Kryeministrit Edi Rama, pasi më parë mediat transmetuan mënyrën sesi ai i ishte drejtuar ish-futbollistit serb, Sinisa Mihajlovic, i cili po përballet me leuçeminë.
Koka shprhet se Mihajlovic njihet për miqësinë që ka pasur me Arkanin dhe kasapin e Ballkanit, Ratko Mlladiç.
“Një kryeministri shqiptar përpara se të angazhohet si laper për të bërë të ndijshmin në raport me sëmundjen e një futbollisti, do të duhej më parë të lexonte se kush është ai, çfarë përfaqëson apo minimalisht të merrte në telefon një fare Igli Tare.
Sepse gjëja e parë që Tare ka bërë kur shkoi tek Lacio ishte ta kapte për fyti serbin Mihajlovic pas replikave që kishin shkëmbyer për konfliktin Kosovë-Serbi. Sepse ndërsa për Iglin, Kosova është Shqipëri, për Sinisa Mihajlovic ‘Kosovo je Serbie’”, shkruan Koka.
Postimi nga Bledian Koka
Kur Edi Rama i shkruan Sinisa Mihajlovic!
Sot jemi njohur me nje tjetër fytyrë të Edi Ramës. Atë të një shqiptari që me zemër në dorë pas numrit të marrë nga miku i tij Aleksander Vucic i shkruan Sinisa Mihajlovicit për shkak të betejës me leukeminë.
Aspekti njerëzor duhet të mbisundoje gjithmonë. Por! Sinisa Mihajlovic është i njohur për dy gjëra në karrieren e tij si futbollist.
Goditjet e dënimit dhe miqësite e tij me kriminelët e luftës Eljko Ranatovic alias Arkan dhe kasapin e Ballkanit Ratko Mlladic.
Për Arkanin, Sinisa Mihajlovic ka deklaruar se: Nuk e mohoj miqësinë time me të, ai mbronte serbët, krimet i ka të tmerrshme por ajo ishte një lufte civile.
Po Sinisa Mihajlovic do të deklaronte për Ratko Mlladic këto fjalë: Mlladic ishte në vizionin e tij të luftës një partizan, një luftëtar i madh që luftonte për popullin e tij.
Një javë pas vrasjes së Arkanit në një hotel në Beograd, Mihajlovic organizoi ultrasit idiotë të Lacios si homazh për mikun e tij, një nekrologji publike ku në një baner shkruhej: “Nderim për Tigrin Arkan”.
Një kryeministri shqiptar përpara se të angazhohet si laper për të bërë të ndijshmin në raport me sëmundjen e një futbollisti, do të duhej më parë të lexonte se kush është ai, çfarë përfaqëson apo minimalisht të merrte në telefon një fare Igli Tare.
Sepse gjëja e parë që Tare ka bërë kur shkoi tek Lacio ishte ta kapte për fyti serbin Mihajlovic pas replikave që kishin shkëmbyer për konfliktin Kosovë-Serbi. Sepse ndërsa për Iglin, Kosova është Shqipëri, për Sinisa Mihajlovic ‘Kosovo je Serbie’.
E mbaj mend ndeshjen kur tifozët e Lacios shpalosën banerin e fëlliqur për Arkanin, isha 19 vjec dhe neveria më kaplon edhe sot kur e kujtoj. Në Botën time të vogël e të papërfillshme refuzova pak vite më parë të ndiqja ndeshjet e skuadres time të zemrës Milan, sepse trajneri ishte cetniku i vogël serb.
Sot mësoj se njeriu që po kërkon kasetën e Krushës së Vogël me trupat e te vrarëve me shumë gjasë edhe nga tigrat e Arkanit, i paska shkruar me zemër në dorë atij që i këndoi në mes të Italisë “lavdisë” së vrasësit psikopat serb.
p.s…Me këto ritme mos u habitni kur një ditë të mesoni se zilja e telefonit të Edi Ramës nuk është gjë tjeter vecse “Vidovdan”.
