Kryeministri Edi Rama, në një komunikim në rrjetin social “Facebook” tha se Shqipëria dhe qytetarët shqiptarë kanë ditur të përballen me fatkeqësitë.
Ai gjithashtu theksoi se shumica dërrmuese e popullit ka bërë më të mirën, ndërsa theksoi se një pakicë e zhurmshme gjuan çdo ditë me gurë.
Duke iu përgjigjur akuzave të PD, dy ditë më parë se qeveria po fsheh numrin e viktimave nga koronavirusi, Rama tha se kapërcen kufijtë e demokracisë të akuzosh qeverinë për këtë gjë.
“Përgjegjësi e jashtëzakonshme të jem në krye, në këtë përballje me pandeminë. Është një provë që po sfidon njerëzit pa dallim kombësie dhe shtresat shoqërore.
Një sprovë për karakterin kombeve, pavarësisht bindjeve apo opinioneve të ndryshme. Këtë sprove ashtu si tërmeti ne shqiptarët jemi të sfiduar ta përballojmë me forcën e karakterit tonë.
Mënyra e reagimit ndaj goditjeve të tilla tregon se kush jemi. Tërmeti godet fort në një kohë të shkurtuar, virusi godet nga pak në një kohë të tejzgjatur.
Në të dyja rastet del në pah karakteri ynë edhe si zëdhënës i publikut , patjetër edhe si udhëheqës. Jam krenar se si ne si popull kemi reaguar në të dyja rastet qoftë duke ndihmuar, qoftë duke sakrifikuar edhe në këtë rast me virusin. Jam krenar si kryeministër se si forcat e këtij shteti janë vënë në dispozicion.
Nuk jam këtu për tu ankuar për baltën dhe pështymat që marr përditë nga pakicat e zhurmshme, mua personalisht më bëjnë më të fortë dhe më japin më shumë energji për të udhëhequr betejat”, tha Rama.
LEXO EDHE:
Akuzat/ Rama: Kapërcen kufijtë e demokracisë të sulmosh qeverinë se po fsheh vdekjet
