Në orën 21:00, Atletico Madrid pret në “Wanda Metropolitano”, Barcelonën, ndeshje e vlefshme në kuadër të javës së 10-të në La Liga.
Pritet të jetë një duel mjaft interesant, duke pasur parasysh rivalitetin që kanë skuadrat midis tyre. Atletico ka bërë një nisje të mirë të kampionatit, ku në 7-të ndeshje të luajtura (madrilenët janë me 2 ndeshje më pak në La Liga) nuk ka humbur asnjë prej tyre, duke arritur të grumbullojë 17 pikë nga 21, këto falë 5 fitoreve dhe 2 barazimeve.
Nga ana tjetër Barcelona nuk e ka nisur aspak mirë kampionatin, sepse pas 7 javësh numëron vetëm 11 pikë.
Të dyja ekipet vijnë në këtë ndeshje me disa mungesa të rëndësishme. Atletico Madrid nuk do të ketë në dispozicion shërbimet e sulmuesit të tyre, Luis Suarez , i cili ka rezultuar pozitiv me Covid-19. Nga ana tjetër në dyshim është edhe sulmuesi tjetër Diego Coasta i cili ka probleme muskulare.
Tek Barcelona, do të mungojë, Sergio Busquets, për shkak të dëmtimit që pësoi në ndeshjen midis Spanjës dhe Zvicrës në Ligën e Kombeve. Gjithashtu për bluagranët do të mungojë edhe Ansu Fati, i cili iu nënshtrua një operacioni dhe thuhet se do të jetë jashtë fushave për 4 muaj.
Formacionet e mundshme:
Ateltico Madrid: (4-4-2): Oblak; Trippier, Felipe, Gimenez, Hermoso; Llorente, Koke, Saul, Carrasco; Felix, Correa
Barcelona: (4-2-3-1): ter Stegen; Dest, Pique, Lenglet, Alba; Pjanic, de Jong; Dembele, Messi, Pedri; Griezmann
