Ndërsa kryedemokrati Lulzim Basha denoncoi sonte në emisionin ‘Opinion’ se gjatë periudhës mars-tetor qeveria ka fshehur gjysmat e viktimave nga koronavirusi, kryeministri Rama i përgjigjet nga studio e emisionit “Real Story”.
Rama e ka kaluar këtë akuzë thjeshtë me një shprehje, duke konsideruar si shenjë të panikut.
Më tej, kreu i ekzekutivit thotë se qeveria nuk deklaron asgjë, duke shtuar se numri i fataliteteve nga pasqyrohet çdo ditë i saktë me numrin e të infektuarve.
“Çfarë mund t’i përgjigjesh tani?! Është pjesë e asaj që thashë, panik, konfuzion, shqetësim, katastrofë. Qeveria nuk deklaron asgjë. Numri i fataliteteve është një numër që pasqyrohet çdo ditë në bazë të kritereve që janë të lidhura me një element të thjeshtë: Të sëmurët nga Covid.
Të tjerat janë spekulime, s’kanë asnjë bazë dhe hyn në atë të përditshmen: Shpif, shpif se diçka do mbetet, kall dëshpërim tek njerëzit se diçka do ndezë, ajo që përpiqen këta të ndezë, është se duhet të kuptojnë që pse kanë humbur që nga dita e parë”.-tha Rama.
basha, rama
