Kryeministri Edi Rama në studion e Real Story u pyet drejtëpërdrejtë lidhur me sulmin ndaj kreut të opozitës Lulzim Basha. Ai anashkaloi çdo gjë, duke ia atribuuar medies këtë sulm që sipas tij po i bëhet Bashës.
Rama deklaroi se nuk donte që ajo që thuhet për Bashën të jetë e vërtetë dhe të anatimojë atë si antishqiptarë dhe tradhtarë.
Balla: Për çfarë arsye do gënjetë Basha?
Rama: Nuk thashë se gënjen dhe se nuk gënjen, por ai i largohet përballjes.
Balla i riktheu Ramës një pjesë të dëshmisë së kreut të PD-së Lulzim Basha.
Balla-Ramës: Të ndjekim dhe Bashën çfarë tha një javë më parë që nuk iu shmang pyetjeve
Balla:Jeni përfshirë në ngjarjen e Krushës së Madhe?
Basha: Jo, asnjëherë.
Dëshmitari thotë se ju i keni marrë kasetën? E njihni?
Basha: Ka një dorë që fabrikon gjëra dhe është e qartë. Çfarë interesi do të kisha unë të fshihja diçka që po të futesh në google i ke aty. Edi Rama është kapur si ata gënjeshtarët.
Balla i kujton Ramës edhe deklaratën e Dashamir Pezës.
Balla: Dashamir Peza dha një version tjetër. Ne kemi një foto që ai shihet me Milaimin në vitin 1999 ku ata i kanë marrë kasetën operatorit dhe më pas Peza thotë se ka qenë një material i gjatë rreth 40 minuta. ”
“Personi besoj se mund të ketë kaluar një tronditje të rëndë psikologjike. Është marrë kaseta nga BBC dhe më pas është përgatitur një kronikë.
Me atë kujtesë që kam unë mendoj që kjo kasetë i është bërë e qartë Melaimit që ai po ia dhuron BBC. Ka pasur dhe një marrëveshje mes dy palëve. BBC ia ka bërë shumë të qartë se ata nuk blejnë lajme dhe kam përshtypjen se BBC ia ka afruar kasetën përfaqësuesve të Kombeve të Bashkuara”, ka thënë Peza.
Pas kësaj pjese, Rama shprehet se nuk është hetues dhe nuk ka asnjë arsye që të besoj që dëshmitari nga Kosova por dhe të tjerë kanë ndonjë motiv që t’i turren Lulzim Bashës që ta mbulojnë me shpifje. Këtu problem është me punën dhe rolin në të shkuatrën. Ai ka qenë i varur, i përgjithshëm dhe nuk ka folur qartë se cili ka qenë roli i tij dhe t’a marrë përsipër atë që ka bërë.
Rama thotë se nuk kam bërë akuza.
Balla: Pse kjo çështje riciklohen saherë ka zgjedhje?
Rama: Nuk kam asgjë tjetër në dispozicion përveç fjalës dhe fytyrës sime.
