Spanja ka autorizuar ditën e sotme fillimin e fazës së fundit të provës klinike të një vaksine antiCOVID-19.
Vaksina që është autorizuar nga Spanja është zhvilluar nga grupi amerikan “Johnson & Johnson”, e cila do të testohet edhe në 8 vende të tjera.
Bëhet e ditur se prova e fazës së tretë do të kryhet në nëntë spitale spanjolle, së pari, mbi vullnetarët që nuk paraqesin ndonjë rrezik të veçantë për zhvillimin e formave serioze të COVID-19, pastaj te pacientët në rrezik.
“Këto prova janë thelbësore për të siguruar cilësinë, sigurinë dhe efikasitetin e vaksinave”, qaroi Agjencia Spanjolle e Barnave (AEMPS), duke theksuar se rezultatet nuk do të bëhen publike, derisa të gjitha provat të jenë përfunduar dhe analizuar.
Rreth 30 000 persona, të shpërndarë në tërë Spanjën, në Francë, Britani e Madhe, Gjermani, Belgjikë, Kolumbi, Afrikë e Jugut, SHBA dhe Filipine, do të marrin pjesë në provën klinike të kësaj vaksine, që do të përbëhet nga dy doza.
