Një i ri është vënë në pranga pasi akuzohet për një plagosje në Fushë-Krujë, ndodhur më herët gjatë vitit.
“Specialistët për Hetimin e Krimeve në Komisariatin e Policisë Krujë, në vijim të punës për kapjen e personave në kërkim dhe vënien e tyre para përgjegjësisë penale, ndaluan shtetasin B.X., 26 vjeç, banues në fshatin Nuaj, Krujë, pasi Gjykata e Shkallës së Parë Krujë i ka caktuar masën e sigurisë ‘Arrest në burg’, për veprat penale ‘Plagosja e rëndë me dashje’ dhe ‘Mbajtja pa leje e armëve të ftohta’“, njoftoi policia.
Ky shtetas, më datë 21.05.2020, në Fushë Krujë, ka plagosur me mjet prerës (thikë), për motive të dobëta, shtetasit S. T. dhe E. Gj, shtuan të njëjtat burime.
