Futbolli anglez në zi. Është ndarë nga jeta ditën e sotme portieri legjendar Ray Clemence.
Ish-gardiani i Liverpoolit, Tottenhamit dhe i kombëtares së Anglisë, ndërroi jetë në moshën 72-vjeçare. Ai u cilësua si një nga portierët më të mirë të brezit të tij, teksa numëron plot 61 paraqitje me Anglinë.
Clemence fitoi 3 Kupa Europiane dhe 5 tituj, në Kategorinë e Parë, sot e njohur si Premier League.
“Me shumë trishtim, ne shkruajmë për t’ju bërë të ditur se Ray Clemence vdiq sot i qetë, i rrethuar nga familja e tij e dashur. Pasi luftoi kaq shumë, për një kohë kaq të gjatë, ai tani është në paqe dhe nuk ka më dhimbje”, thuhet në deklaratën e familjes së tij.
In memory of Ray Clemence, Liverpool legend…
YNWA pic.twitter.com/rbu2PVPHBH
— Liverpool FC (@LFC) November 15, 2020
