Në bregdetin shqiptar jo vetëm që është ndërtuar pa kriter dhe në mënyrë abuzive, por nuk është marrë asnjë masë për shkarkimin e ujërave të zeza.
Siç shihet edhe në videon e siguruar nga Boldnews.al, ujërat e zeza në Golem kalojnë mes përmes hoteleve luksoze dhe plazhit dhe më pas derdhen në det, duke krijuar një pamje jo vetëm të shëmtuar por edhe largon turistët.
Por për rehabilitimin e ujërave të zeza nuk është bërë asnjë investim dhe nuk ka vënë dorë askush në zonën e Golemit, e cila për hir të së vërtetës mbetet një nga zonat më të frekuentuara nga turistët, jo vetëm gjatë sezonit të verës por edhe në dimër.
