Florian Marku disa ditë më parë mundi që në raundin e parë, britanikun Muma Muemba duke e dominuar plotësisht ndeshjen.
Tashmë me këtë sukses, bilanci i Markut është 7 fitore dhe 0 humbje. Por boksieri kuqezi nuk ka aspak ndërmend të ndalet dhe këtë gjë e tregoi qartë pas suksesit të fundit, ku bëri të ditur se do të luftojë vetëm për fitore, ndërsa i lëshoi sfidën boksierit tjetër britanik Conor Benn.
Ky i fundit konsiderohet si një prej boksierëve më te mirë në Angli, teksa në karrierën e tij si profesionist i ka fituar të 16 duelet e zhvilluara. Por Conor Benn i ka shuar shpresat e Makut për një duel, duke e nënvlerësuar hapur boksierin shqiptar.
Me anë të një postimi në rrjetet sociale, britaniku shprehet se Florian Marku nuk ka bërë asgjë që të meritojë duele dhe se do t’i humbiste të gjitha ndeshjet ndaj 20 boksierëve në territorin anglez.
Reagimi i plotë i bërë nga Conor Benn në “Twitter”:
“Më besoni, ai vetëm flet për boksierët më të mirë të Britanisë. Por çfarë ka bërë ai për ta merituar duele të tilla? Pretendon që të gjithë kemi frikë atë. Kjo është qesharake, pasi ai do të mundej prej çdo boksieri që qëndron mes 20 më të mirëve në Britani”,- shkruan Conor në profilin e tij në rrjetet sociale.
https://twitter.com/ConorNigel/status/1326287132814684161
