Kreu demokrat, Lulzim Basha, e cilësoi përzgjedhjen e kandidatëve për deputet si të parin që zhvillohet jo vetëm në politikën shqiptare, por edhe në Rajon.
Basha tha se ky ishte një proces vlerash dhe do të përmbyllet si i tillë.
“Vendimi përfundimtar do të merret nga Kryesia dhe Këshilli Kombëtar i PD, por do të mbyllet si një proces vlerash”, tha Basha.
I pyetur në “Real Story” lidhur me sulmet që i bëhen nga RD, gazeta zyrtare e PD, Jozefina Topallit, Astrit Patozit, Myslym Murrizit dhe Rudina Hajdarit, Basha tha se prej 7 vitesh, asnjë media në Shqipëri nuk merr udhëzime nga kreu i PD.
“Ju mendoni se RD merr udhëzimet nga unë? Më vjen keq nuk ka asnjë parti qëka dalë nga PD, janë parti që krijohen nga Edi Rama, i cili është në panik për zgjedhjet e 25 prillit”, tha Basha.
Ai u shpreh se Europa po përballet me një perde të hekurt të liderëve që nuk ikin, që kanë për borxh që të shkatërrojnë edhe ekonomitë dhe shpresën e njerëzve, ndërsa në anën tjetër janë ata që duan rotacionin.
