Kryepeshkopi i Shqipërisë Anastas Janullatos nga spitali ku ndodhet në Athinë për trajtim mjekësor pas u infektua me koronavirus u shpreh se ndihej më mirë, ndërsa falënderoi mjekët, por edhe njerëzit që janë lutur për shëndetin e tij. Ai kishte edhe një mesazh.
“Dita e parë në spital tashmë ka kaluar dhe gjithçka po shkon mirë. Gjatë gjithë jetës sonë i referohemi Zotit dhe mrekullive. Zoti nuk do të na lërë.
Falënderime të përzemërta për mjekët dhe infermierët dhe për morinë e njerëzve që edhe një herë shprehën dashurinë e tyre me lutje. Mos ki frikë, thjesht beso” ishte mesazhi i tij.
Kryepeshkopi i Shqipërisë Anastas Janullatos u transportua dje në Greqi me avion ushtarak për ndihmë të specializuar mjekësore. Ndërkohë që sot u infektua edhe arqipeshkvi George Frendo, i cili ndodhet në spital në Tiranë.
