Policia e Gjirokastrës ka arrestuar një 27-vjeçar, pasi është kapur me kokainë dhe kanabis në mjetin e tij.
Në pranga ka rënë i riu E. C., banues në fshatin Dhëmblan, Tepelenë, pasi gjatë kontrollit i janë gjetur dhe sekuestruar 5. 5 gr. lëndë narkotike të llojit kokainë.
Njoftimi i policisë:
Dispononte lëndë narkotike të llojit kokainë në automjetin e tij, vihet në pranga 27-vjeçari.
Sekuestrohen lëndë narkotike kokainë dhe një sasi lënde narkotike cannabis sativa.
Vihet në pranga poseduesi.
Në vijim të punës për goditjen e veprimtarisë kriminale në fushën e narkotikëve, specialistët e Seksionit për Hetimin e Narkotikëve në Drejtorinë Vendore të Policisë Gjirokastër arrestuan në flagrancë shtetasin:
E. C., 27 vjeç, banues në fshatin Dhëmblan, Tepelenë.
Arrestimi i këtij shtetasi u bë pasi, në vendin e quajtur “Ura e Lumit”, gjatë kontrollit që ushtruan shërbimet e Policisë në automjetin e tij, gjetën 5. 5 gr. lëndë narkotike të llojit kokainë.
Gjithashtu, nga kontrolli i kryer në banesën e këtij shtetasi u gjet një sasi lënde narkotike cannabis sativa.
Materialet procedurale i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.
