Kreu i Partisë Demokratike Lulzim Basha përmes një video të postuar në Facebook, sjell realitetin me të cilin po përballen shqiptarët në këto ditë të vështira të mbërthyera nga pandemia.
Sipas Bashës, kryeministri Edi Rama nuk ka bërë asgjë për këtë situatë, madje ai shprehet se qytetarët nuk e kanë ndjerë ndihmën e qeverisë edhe në momentet më të vështira kur janë përballur me sëmundjen dhe u është dashur të blejnë vet të gjitha medikamentet.
Situata është jashtë kontrollit, -thotë Basha.
“ Shqiptarët kanë nevojë për ndihmë e më shumë teste. Plani ynë ofron zgjidhje, Kjo nuk është çështje politike, është çështje për jetë a vdekje!
Qytetarët shqiptarë meritojnë më shumë. Më shumë teste, më shumë ndihmë, më shumë zgjidhje. Plani ynë ofron zgjidhje dhe përfshin rimbursimin e plotë të shpenzimeve për personat e prekur me covid që kurohen në shtëpi. Kjo nuk është çështje politike, është çështje për jetë a vdekje!”