Komiteti Teknik i Ekspertëve ka miratuar sot futjen e testeve të shpejta në vendin tonë, të cilat do mund të kryhen pranë qendrave shëndetësore apo spitaleve rajonale.
Kjo u bë e ditur nga Shefja e epidemiologjisë në Institutin e Shëndetit Publik, Silva Bino, e cila tha se sot u aprovua udhëzimi për futjen e testeve të shpejta.
“Futja e tyre ul kohen e pritjes së qytetarëve se maskimumi i kryerjes së tyre shkon deri në 40 minuta.
Testet do kryhen pranë qendrave shëndetësore, spitalet rajonale, janë 100% specifike, dhe tregon se nëse del pozitiv është pozitiv.
Por ka dhe ndjeshmëri më të ulët, ku mund të kemi edhe false negativ.
Nëse kemi test negativ por kemi shenja klinike, duhet të konfirmohet përmes PCR.
Ose nëse personi është asimptomaitik por ka kontakte me persona pozitive, duhet konfirmuar sërish me PCR“, tha Silva Bino.
