Kreu demokrat, Lulzim Basha, në vijim të debatit me Kryeministrin Edi Rama, e cilëson atë një gënjeshtar. Basha thekson se Ramës po i vjen dita që të largohet.
“Çfarë lidhje ke ti me të vërtetën, Edi Rama?
Premtove shëndetësi falas- gënjeve. Premtove 300 mijë vende pune-gënjeve. Papunësia në Shqipëri arriti majat.
Premtove se do ulësh çmimet e ushqimeve dhe ilaçeve-gënjeve. Çmimet vetëm janë rritur. Premtove se do ulësh taksat – gënjeve.
Premtove se do ulësh çmimin e energjisë – gënjeve. Po vjen dita të largohesh gënjeshtar. Është koha për një të ardhme të re për Shqipërinë”, shkruan Basha në reagimin e rradhës.
Prej disa orësh Basha dhe Rama shkëmbejnë replika dhe akuza në rrjetet sociale, që nisin nga raporti i Dick Marty për krimet në Kosovë deri te menaxhimi i pandemisë nga Qeveria.
