Policia e Shtetit ka nisur aksionin për parandalimin e aksidenteve rrugore dhe këtë fundjavë është përqëndruar në Fier dhe Lushnje, ku janë konstatuar mjaft drejtues që udhëtonin me 150 km/h.
Kontrolle të policisë janë stacionuar në pika kyçe duke kontrolluar me radarë shpejtësinë e automjeteve në aksin Lushnje-Fier dhe Levan-Tepelenë. Por ajo që vihet re është cilësia e mjeteve logjistike të Policisë Rrugore.
Radarët e ngjitur me skoç dhe ku numrat nuk duken mirë për shkak të mungesës së baterive.
Ndërkaq bëhet e ditur se sot janë pezulluar 39 patenta për tejkalim të shpejtësisë. Ndërkohë që shpejtësia e lejuar në këto akse është 90 km/h, radari ka kapur makina me dyfishin e kësaj shpejtësie ose 150 km/h.
Policia ka nisur sensibilizimin dhe u ka thirrje gjithashtu edhe qytetarëve për më shumë kujdes dhe të mos kalojnë në mes të autostradës, por të përdorin mbikalimet.
