Sekretari i Përgjithshëm i PD, Gazment Bardhi, nëpërmjet një reagimi në rrjete sociale i është përgjigjur kryeministrit Rama.
Bardhi thotë se një orë fjalim sot tek fushata e plehrave, Rama përsëriti të njëjtat gënjeshtra për PD dhe Lulzim Bashën, si dhe procesin e përzgjedhjes së kandidatëve për deputetë nga PD.
Sekretari i Përgjithshëm i PD, thekson se mjafton të dëgjosh Ramën për të kuptuar se në 8 vite pushtet si kryeministër nuk u ofroi asgjë shiqptarëve, dhe nuk mbajti asnjë premtim.
Statusi i plotë i Bardhit:
Një orë fjalim sot tek fusha e plerave, përsëriti të njëjtat gënjeshtra për PD, Lulzim Bashën, procesin e përzgjedhjes së kandidatëve për deputetë nga PD dhe për Opozitën e Bashkuar.
Mjafton të dëgjosh Edi Ramën për të kuptuar se në 8 vite pushtet si Kryeministër nuk i ofroi asgjë shqiptarëve, asnjë ide, asnjë premtim i mbajtur, asnjë zhvillim.
Nuk ka asnjë bilanc në qeverisje, përveç projekteve që në 2 mandate mbeten vetëm në 3D, ndërkohë që nuk ka më propagandë që fsheh krimin dhe korrupsionin e Qeverisë së Dështimit. Vetëm me fjalë, tallje, fyrje dhe mashtrime nuk zgjidhen dot hallet e shtuara të qytetarëve shqiptarë.
U lodh kot deri tek plehrat, duke fyer dhe keqpërdorur socialistët e ndershëm, për gjoja përzgjedhjen 3D të kandidatëve për deputetë. E kishte më afër burgun, për të bërë atë që ka 8 vite që bën, përzgjedhjen e kandidatëve me krimin e organizuar.
LEXO EDHE:
Rama: Luli përton të fshehë edhe gjurmët e rrugës së gabuar, Meta çfarë kërkon?!
