Rajan Gigs prej kohësh është i përfolur në mediat rozë për shkak të sjelljes së tij aspak të hijshme.
Vëllai i tij Rodri, pak vite më parë, zbuloi se ish-mesfushori i Mançester Junajtidit dhe trajneri aktual i Uellsit kishte një marrëdhënie me gruan e tij (pra kunatën) prej gati një dekade.
‘Dobësia’ e tij për gratë sipas “The Sun”, ka qenë edhe arsyeja pse ish-numri 11 dhunoi të fejuarën, javën e kaluar.
Ai u arrestua pas zënkës me të. Shkaku i sherrit ka qenë sepse Kejt, me të cilën ish-mesfushori është fejuar prej dy vitesh, i kishte kërkuar atij llogari për disa mesazhe që i kishte zbuluar në telefon, madje jo me një, por me dy gra.
