Shtyhet për në 12 nëntor seanca në Këshillin e Lartë Gjyqësor, për gjyqtarin e Korçës, Markelian Kuqo. Shkak është bërë gjendja shëndetësore e gjyqtarit.
Dyshohet se gjyqtari është infektuar nga Covid pasi bashkëshortja e tij pret përgjigjen e tamponin, ndërsa ndodhen të dy të vetkarantinuar.
Ndërkohë, Inspektori i lartë i Drejtësisë Artur Metani u shpreh dakord për shtyrjen e seancës duke shtuar se Kuqo ka patur sjellje serioze të deritanishme si dhe ra dakord me nevojën që Kuqo të jetë i pranishëm në seancë.
Për Markelian Kuqon, me detyrë Gjyqtar në Gjykatën e Korçës, ka nisur procedimi disiplinor pasi ILD pretendon se ai ka liruar me kusht në mënyrë jo të ligjshme nga qelia Gerd Gjinerarin, i dënuar me burg përjetë, për vrasjen e Arben Grorit në vitin 1997.
