Emisionit “Për’Puthen-it” iu bashkua një konkurente e re. Ajo është Sindi Loci, 22-vjeçe nga Tirana dhe që ka kryer studimet për violinë në Bukuresht.
Sindi deklaroi në studio se nuk ka pasur asnjë marrëdhënie me meshkuj në të kaluarën, e emocionet e para pret t’i provojë në emisionin e dashurisë. Pas kësaj deklarate, studio gëloi nga reagimet. Djemtë e vlerësuan shumë këtë fakt dhe e shprehën hapur pëlqimin për bukuroshen.
Nga ana tjetër, vajzat e tjera u ndien të fyera nga reagimi i djemve. Ana tha se femër nuk të bën ‘virgjëria’ duke i cilësuar mendimet e djemve si ‘turp’. Ndërkohë një mesazh në lidhje me debatin e krijuar kishte vetë Sindi. Ajo tha se ‘virgjëria’ nuk duhet vlerësuar, por në mes të një marrëdhënie duhet të jetë dashuria.
Ana: Virgjëria nuk të bën femër. Turp për çdo mashkull që ka këtë ide.
Sindi: Një vajzë nuk duhet vlerësuar nga virgjëria. Unë e kam ruajtur, sepse kam pasur përkushtime të tjera. Unë mendoj që një vajzë që tregon vlerat e saj, nuk tradhton, gënjen, kjo është shembull. Duajini femrat për atë që janë, sepse do të keni një jetë bashkëshortore dhe nuk duhet të kapeni për virgjërinë e tyre.
