Janë mbyllur 45 minutat e para të dy takimeve të cilat mbyllin dhe javën e parë të Kategorisë Superiore.
Pjesa e parë mes Teutës dhe Skënderbeut ka përfunduar me rezultatin 1-1. Në takimin e luajtur në “Niko Dovana”, të parët që kaluan në avantazh ishin vendasit me anë të sulmuesit, Rubin Hebaj në minutën e 10-të.
Pas një harkim nga këndi, sulmuesi shkodran godet me kokë dhe i ndihmuar edhe nga devijimi i Mensah, topi shkon në rrjetën e portës së Dajsinanit.
Miqtë u përgjigjën duke barazuar rezultatin me anë të mbrojtësit, Jorgo Meksi në minutën e 34-t. Kapiteni Jorgo Meksi, realizon nga një distancë e konsiderueshme, pas përplasjes së portierit Frashëri me Emiliano Vilën. Mbrojtësi përfiton nga kjo dalje e gabuar e gardianit korçar duke tundur rrjetën.
Ndërkohë 45 minutat e takimit tjetër, mes Vllaznisë dhe Apolonisë janë mbyllur me rrjetat e paprekura, edhe pse vendasit kanë dominuar në lojë.
