Këngëtarja Fjolla Morina ka qenë në qendër të vëmendjes që pas arrestimit të saj nga policia shqiptare në kufirin e Morinës. Pas një kontrolli në makinë, Fjollës iu gjetën 2 pistoleta, njëra prej të cilave ishte çakmak. Këngëtarja shoqërohej nga dy persona, biznesmeni Fisnik Syla dhe shoferi Fitim Muji.
Madje u raportua se Fjolla dhe Fisnik Syla kishin nisur prej pak kohësh një romancë, duke u bërë e ditur se biznesmeni është pikërisht personi që i ka dhuruar këngëtares makinën Audi Q7.
Fillimisht Fjolla e mohoi lidhjen me biznesmenin duke u shprehur se mediat me aludimet e tyre po shkatërrojnë një familje, por ishte vetë Fjolla ajo që pak ditë më pas zyrtarizoi lidhjen me Fisnik Sylën. Teksa ndodhej në arrest shtëpie këngëtarja mori një propozim për martesë nga Fisniku.
Pas kësaj ka reaguar edhe ish-bashkëshortja e biznesmenit ku shprehej se Fjolla i ka shkatërruar familjen
“Atyre që deshten shkatërrimin e familjes marrshin nga jeta atë që e meritojnë.” –është shprehur ajo.
Së fundmi, këngëtarja ka postuar një foto në Instastory, duke e shoqëruar me një paragraf nga Artan Mullaj, që duket si një kundërpërgjigje ndaj kritikave.
“Të dalësh mbi turmën, do të thotë të përballesh me zemërimin e saj! Nëse arrin të kesh nivel, inteligjencë dhe kulturë më të madhe se ajo, duhet të jesh gati sepse turma e tyre do të synojë të të tërheqë mbrapsht në llum dhe kur dështon të të hedhë baltë, dhe kur të baltos, të të shkelë me këmbë. Nëse arrin sukses dhe prek lartësinë, do të kesh kundra teje humicën, një armatë të tërë njerëzish, që shpesh udhëhiqet nga histeria e grave mendjelehta dhe patriotizmi vulgar i burrave injorantë.”
