Kryemadhi me banorët e Kombinatit: Rindërtimi, interesojuni për pronat se Veliaj ua tjetërson

Monika Kryemadhi, kryetare e LSI, u takua sot me banorët e Kombinatit, të cilët preken nga projektet e rindërtimit. Duke bashkëbiseduar me banorët, Kryemadhi i sugjeroi që të kërkojnë kartelat e pronësisë për objektet që kanë, pasi mund t’u ndryshohet pronësia, sikundër ndodhi me shkollën Sami Frashëri.

“E ka bërë Kombinatin zonë të kuqe që ti mos të kesh mundësinë e rifreskimit, por ruaji letrat. Ne kemi një lloj procedure që po e nisim, në mënyrë të tillë për të bërë ndoshta edhe një pezullim absolut të kësaj.

Ai do që të largojë shqiptarët dhe të sjellë të tjerët për atë punë, sepse nuk po ngopet. Për t’u ankuar do ankohemi ne, sepse edhe ne me këtë punë do merremi, sepse më thënë të drejtën ju dhemb kjo puna e Kombinatit, kur merremi me çështjen e rindërtimit, sepse një nga problemet kryesore që kanë është tjetërsimi i pronave, ja kanë marrë dorën tjetërsimit të pronave.

Ne kemi një kopje kontrate, që duam t’ia shpërndajmë të gjithë banorëve, po jua lëmë edhe një kopje juve. Është një kopje e lidhur mes teje dhe Bashkisë së Tiranës, që të përfaqësohet nga një përfaqësues ligjor, se nuk mund të vijë ai të të thotë ik, pa letra e pa gjë fare. Ke të dhënat, ku objekt kontrate ka për çështjen e prishur të detyruar me vendim të Këshillit Bashkiak, sepse ai e ka marrë me vendim të Këshillit Bashkiak për ta prishur pallatin.

LEXO EDHE  Berisha: Analistët që paguhen nga Basha nuk i lajnë dot në xhami mëkatet e tyre

Ne e kemi bërë këtë me një zyrë konsulence juridike, juve do ua lëmë të gjithëve për ta parë edhe për sa i përket bonusit të qirasë, është me disa nene, në mënyrë të tillë që nesër çfarëdo që të ndodhë, se këta që do ikin do ikin, nuk ka as pikën e dyshimit, por problemi është që prona juaj të mos prishet dhe kushdo që të vijë të ketë një hallkë dhe lidhje me shtetin”, tha Kryemadhi.

Një banor i Kombinatit e ndali më gjatë Kryemadhin, duke u shprehur se shteti po i shemb banesat e dëmtuara nga tërmeti, po nuk po i ndërton.

“Çfarë do të bëhet me ne?! A do të mblidhen këta të Kombinatit, me demokratë, socialistë, ballistë…të marrim vendim?! Çuni i Kristaqit na e bën këtë, që vari Havzi Nelën?!”