Ish-deputetja e PD-së, Jorida Tabaku, ka reaguar sërish në lidhje me skandalin që po ndodh te gjimnazi ‘Sami Frashëri’, që pasi u shemb është braktisur nga bashkia e Tiranës, e cila drejtohet nga Erion Veliajn.
Tabaku shkruan se edhe në kohëra fatkeqësie, Veliaj e ka mendjen te propaganda dhe vjedhja.
“Dhe në fatkeqësi e kanë mendjen te propaganda dhe vjedhja. Shkolla ‘Sami Frashëri’ është shembulli më i mirë se si punojnë e mendojnë, se si e konsiderojnë pronën private dhe atë publike si çiflig të tyre, se si manipulojnë shqiptarët përpara kamerave duke gënjyer se punohet dhe sapo ato fiken puna ndalon. E gjitha në funksion të mbulimit të vjedhjes së taksave të shqiptarëve.
Betejën mes propagandës dhe fakteve e fiton gjithmonë e dyta, pasi tregon të vërtetën. Asnjë regji qendrore apo video 3D nuk mund të çbëjë të vërtetën se tek shkolla Sami Frashëri nuk punohet. Fadromat ndizen vetëm kur i nevojiten manipulatorit Veliaj për të bërë foto. Pamjet që shihni tregojnë se as në zonën e bllokut ‘5 Maji’ nuk punohet ndonëse kryemanipulatori Rama e transmetoi live në televizionin e tij privat se po ndërtohet”, shkruan Tabaku.
Sipas saj, sot thuajse një javë më mbas nuk punohet në asnjë kantier, sepse qeveria dhe kryebetonieri Veliaj nuk kanë vullnet dhe as dëshirë të ndihmojnë shqiptarët.
“Ato kanë vjedhur taksat e shqiptarëve gjithë këto vite dhe tanimë nuk u ka mbetur asgjë përpos se gënjeshtrat dhe manipulimet. Nuk punohet! Nuk ndërtohet!”, shkruan Tabaku.
