Kjo ka qenë java e izolimit për shumë vende të Evropës. Gjermania, Franca, Portugalia, tashmë edhe Britania e Madhe vendosën që të izolojnë vendin, me shpresën se do të ulen infeksionet.
Edhe Italia është duke menduar një izolim total, por për ketë do të shprehet kryeministri, Giuseppe Conte.
Ndërsa imunologia italiane, Antonella Viola ka ardhur me një propozim. Ajo thotë se, vala e dytë do të zgjasë deri në qershor të 2021-shit. Viola nuk është për një bllokim të dytë kombëtar, por mbyllje të planifikuar bazuar në të dhëna epidemiologjike. Ndaj ajo propozon izolim vetëm një javë, në një muaj. Sipas saj, kjo do t’u japë mundësi njerëzve që të planifikojnë ato që do të bëjnë dhe të organizohen me kohë.
“Duhet të rezistojmë të paktën deri në qershor. Ne vendosim të kemi bllokime të planifikuara, mbase një në muaj, një javë çdo muaj, në mënyrë që njerëzit ta dinë paraprakisht, ta planifikojnë atë dhe të organizohen me kohë.
Ekziston nevoja për të vepruar. Por ajo që duhet bërë është të ndërhyhet me masa jouniforme në të gjithë territorin, sepse territori nuk është uniform.”-thotë imunologia.
