Policia e Shkodrës ka sekuestruar 156 kg lëndë narkotike cannabis sattiva, ndërsa ka vënë në pranga 2 persona.
Burime nga policia e Shkodrës bënë me dije se në kuadër të operacionit të koduar ‘Green House’, dje u arrestuan vëllezërit Valentin dhe Ermir Gjeloshi, 27 dhe 25 vjeç.
Në vijim të këtij operacioni dhe gjatë kontrollit të ushtruar në banesën e tyre u gjet dhe u sekuestrua në cilësinë e provës materiale hashashi. Materialet proceduriale iu referuan Prokurorisë së Rrethit Gjyqësor Shkodër për veprën penale “Prodhimi dhe shitja e narkotikëve” në bashkëpunim parashikuar nga neni 283/2 i Kodit Penal.
