Ashtu siç u njoftua ditën e djeshme, Kategoria Superiore do të rikthehet në fushë duke i dhënë fund bojkotit.
Liga Profesioniste ka zhvilluar një mbledhje pas shkresës së djeshme të deputetit Fidel Ylli.
Pas mbledhjes me klubet, Liga vendosi që t’i japi fund bojkotit dhe ditën e diel të zbresë në fushë për ndeshjet e para të Kupës së Shqipërisë dhe të mërkurën do të rinisi zyrtarisht Kategoria Superiore.
Pas mbledhjes, presidenti i Ligës, Edvin Libohova u shpreh se është gjetur akordi për 3 pikat me Qeverinë, ndërsa kryesorja mbetet Ligji i Sponsorizimit, por edhe për këtë pikë ka miratim nga Qeveria.
“Kemi një mbështetje nga Qeveria që do të zbresim në fushë dhe unë mendoj se me kalimin e kohës ne do të gjejmë zgjidhje për të mirën e futbollit. Nuk mund të flasim sërish për bojkot nëse nuk zgjidhen çështje pasi kjo mbetet për t’u parë. Për 3 pikat e para kemi arritur akordin me Ministrinë, ndërsa “thembra e Akilit” mbetet Ligji i sponsorizimit”, u shpreh Libohova.
