Një makinë e cila transportonte sirianë është pikasur nga policia në Pogradec, e cila është vënë në ndjekje të saj.
Mësohet se mjeti ka pikasur postobllokun e policisë tek ‘Enkelana’ në hyrje të qytetit dhe është larguar me shpejtësi në kundravajtje në një rrugë paralele.
Është përplasur pranë një trotuari tek lumi i qytetit.
Policia ka ndaluar drejtuesin e mjetit dhe dyshohet të ketë pasur rreth 4-5 refugjatë në makinë. Ndërkohë policia është vënë në ndjekje të një mjeti tjetër tip benz që hapte rrugën për mjetin me refugjatë.
