Kryetari i PD, Lulzim Basha deklaroi këtë të Enjte në një emision televiziv se qeveria e ardhshme e PD-së do të anulojë të gjithë kontratat koncesionare dhe tenderat korruptivë.
I pyetur, a ka rrezik që nismat të rrëzohen nga Arbitrazhi, Basha garantoi se kjo nuk do të ndodhë për shkak të ligjit anti-mafia që sipas tij, PD do të miratojë fill pas formimit të qeverisë.
“Fjalët i mer era, flitet me vepra. Kemi gati ligjin anti-mafia me anë të së cilës do trajtohen këto afera, tendera, koncesione, leje e licenca korruptive. Subjektet do jenë dy lloje, zyrtarë të çdo niveli nga i pari i qeverisë dhe persona e kompani private që janë përfitues abuzivë. Qëllimi i ligjit është marrja e fondeve që ja kanë marrë qytetarëve. Ky është ligji që e bën të mundur rikuperimin e fondeve që u janë vjedhur qytetarëve. Ligji anti-mafia do jetë ligji i parë që do kalojë në parlament në qeverisjen time”, tha Basha.
