Në shkollën fillore ‘Shote Galica’ në Fushë- Krujë ka rezultuar me Covid 19 një nxënëse në klasën e tetë duke shkaktuar frikë dhe panik të bashkëmoshatarët e saj, njofton Fax News.
Lajmin e kanë bërë të ditur nxënësit duke treguar që shoqja e tyre ishte me temperaturë 39 gradë ndërsa termometri tregonte 34 gradë.
Është e paqartë nëse ka nxënës të tjerë të infektuar, por sipas dëshmive të tyre, në shkollë nuk respektohet distanca e sigurisë dhe masat e tjera të parashikuara nga Ministria e Arsimit.
“Nxënësit rrinë afër njeri tjetrin ndërsa në autobusat dhe furgonat e shkollës ata rrinë ngjeshur duke u bërë një burim i madh infektimi.”- thanë nxënësit
Problem është bërë se disa shkolla në rrethin e Bubqit, Borizanës, Luzit, Larushkut dhe Niklës transportohen për në shkollat e Fushë Krujës, pasi në këto zona i ka prishur tërmeti i rënë me 26 nëntor.
Deri tani akoma nuk dihet se cili ishte burimi i infektimit të vajzës.
