Eksploziv artizanal është gjetur paraditen e sotme para një lokali në rrugën “Mine Peza” në kryeqytet duke alarmuar qytetarët.
Ngjarja ka ndodhur në rrugën “Mine Peza” në kryeqytet ku para lokalit është gjetur një bidon me fitil gati për të shpërthyer.
Në vendngjarje ndodhet policia, ndërsa grupi hetimor ka nisur punën për të përcaktuar nëse bidoni është i mbushur me lëndë eksplozive.
Nga dyshimet paraprake, bidoni mendohet të jetë i mbushur me rërë dhe është përdorur në formë kërcënimi.
Hetuesit pritet të marrin në pyetje pronarin e lokalit nëse ka konflikte me persona të tjerë, ndërkohë që pritet edhe marrja e pamjeve filmike të kamerave të sigurisë.
