Aktori i njohur, Jeff Bridges, fituesi i çmimi i “Oscar”, është diagostifikuar me lymphoma (limfoma) dhe lajmin e trishtë e ka bërë të ditur për ndjekësit e tij, në një postim në Twitter, të hënën.
“Unë jam diagnostikuar me Limfoma. Megjithëse është një sëmundje e rëndë, unë ndihem me fat që kam një ekip të shkëlqyeshëm mjekësh dhe prognoza është e mirë. Unë jam duke filluar trajtimin dhe do t’ju mbaj të njoftuar për shërimin tim.”
70-vjeçari falenderoi familjen dhe miqtë e tij për mbështetjen në këto kohë.
“Jam thellësisht mirënjohës për dashurinë dhe mbështetjen nga familja dhe miqtë e mi. Faleminderit për lutjet dhe urimet tuaja. Dashuri, Jeff.”
Limfoma është një formë e kancerit që prek sistemin imunitar. Ky është një kancer i qelizave të imunitetit të quajtura limfocite, një lloj i qelizave të bardha të gjakut.
