Këngëtarja Fjolla Morina ka qenë në vëmendje të mediave gjatë gjithë këtyre javeve pas arrestimit të saj nga policia shqiptare në kufirin e Morinës. Pas një kontrolli në makinë, Fjollës iu gjetën 2 pistoleta, njëra prej të cilave ishte çakmak. Këngëtarja shoqërohej nga dy persona, biznesmeni Fisnik Syla dhe shoferi Fitim Muji.
Madje u raportua se Fjolla dhe Fisnik Syla kishin nisur prej pak kohësh një romancë, duke u bërë e ditur se biznesmeni është pikërisht personi që i ka dhuruar këngëtares makinën Audi Q7.
Prej kohësh ajo po jeton në qytetin e Kukësit ku po vuan dhe masën ‘arrest shtëpie’, por me sa duket, Fjolla po e kalon këtë periudhë të vështirë, pasi tashmë ju është kthyer postimeve në Instagram
Para dy ditësh, ajo publikoi në “InstaStory” një video ku shfaqej duke u përqafuar një mashkull, të cili i mbulonte fytyrën, por i zbuloi emrin.
Bëhet fjalë për këngëtarin e ri nga Kumanova, 22- vjeçarin Bardhyl Idrizi, një nga reperët e rinj të Kosovës që po përpiqet të hyjë në tregun e muzikës.
Fjolla, edhe pse në arrest shtëpie, ndihet e lumtur që partneri i ri i qëndron pranë në këto ditë të vështira. Ajo shfaqet në krahët e tij, teksa e ka shoqëruar videon me mbishkrimin “Zemra ime!”.
Po kush është Bardhyl apo Bardhi Zaimi, djali i hiphop-it që shfaqet në intimitet me Fjollën, në kushtet që ajo është në arrest shtëpie?
Ai është një artist i ri që para dy vitesh publikoi videoklipin “SMK”, e një vit më vonë “Galileo” e “Familia“.
Në maj 2019, Bardhi publikoi mixtape-n e parë me 11 këngë, që vendosi ta titullojë “21” për disa arsye, siç ishin mosha e tij, dhe se me publikimin e tij, i bëheshin gjithsej 21 këngë të publikuara.
Ndërkohë në dy vite që ai është pjesë e tregut muzikor, kjo është hera e parë që përflitet për një lidhje intime me Fjolla Morinën.
